Psa 61 | LXX | STEP | Εἰς τὸ τέλος, ἐν ὕμνοις· τῷ Δαυιδ. Εἰσάκουσον, ὁ θεός, τῆς δεήσεώς μου, πρόσχες τῇ προσευχῇ μου.

Psalms 61

1 ^{▼▼LXX: Psa.60:1}Εἰς τὸ τέλος, ἐν ὕμνοις· τῷ Δαυιδ. ^{▼▼LXX: Psa.60:2}Εἰσάκουσον, ὁ θεός, τῆς δεήσεώς μου, πρόσχες τῇ προσευχῇ μου. 2 ^{▼▼LXX: Psa.60:3}ἀπὸ τῶν περάτων τῆς γῆς πρὸς σὲ ἐκέκραξα ἐν τῷ ἀκηδιάσαι τὴν καρδίαν μου· ἐν πέτρᾳ ὕψωσάς με, 3 ^{▼▼LXX: Psa.60:4}ὡδήγησάς με, ὅτι ἐγενήθης ἐλπίς μου, πύργος ἰσχύος ἀπὸ προσώπου ἐχθροῦ. 4 ^{▼▼LXX: Psa.60:5}παροικήσω ἐν τῷ σκηνώματί σου. εἰς τοὺς αἰῶνας, σκεπασθήσομαι ἐν σκέπῃ τῶν πτερύγων σου διάψαλμα. 5 ^{▼▼LXX: Psa.60:6}ὅτι σύ, ὁ θεός, εἰσήκουσας τῶν εὐχῶν μου, ἔδωκας κληρονομίαν τοῖς φοβουμένοις τὸ ὄνομά σου. 6 ^{▼▼LXX: Psa.60:7}ἡμέρας ἐφ' ἡμέρας βασιλέως προσθήσεις, ἔτη αὐτοῦ ἕως ἡμέρας γενεᾶς καὶ γενεᾶς. 7 ^{▼▼LXX: Psa.60:8}διαμενεῖ εἰς τὸν αἰῶνα ἐνώπιον τοῦ θεοῦ· ἔλεος καὶ ἀλήθειαν αὐτοῦ τίς ἐκζητήσει; 8 ^{▼▼LXX: Psa.60:9}οὕτως ψαλῶ τῷ ὀνόματί σου εἰς τὸν αἰῶνα τοῦ αἰῶνος τοῦ ἀποδοῦναί με τὰς εὐχάς μου ἡμέραν ἐξ ἡμέρας.